Tusk: Bieśpiłotniki ŭ pavietranaj prastory Polščy byli rasijskimi
Premjer Polščy prakamientavaŭ zalot bieśpiłotnikaŭ na terytoryju krainy ŭ vyniku abstrełu Rasijaj Ukrainy.
Fota: Henry Nicholls, Pool Photo via AP
«Minułaj nočču pavietranaja prastora Polščy była parušanaja vielizarnaj kolkaściu rasijskich dronaŭ. Tyja drony, jakija ŭjaŭlali pramuju pahrozu, byli źbity. Ja znachodžusia ŭ pastajannym kantakcie z hienieralnym sakratarom NATA i našymi sajuźnikami», — zajaviŭ premjer-ministr Polščy Donald Tusk u sacsietcy X.
U pavietranaj prastory Polščy akazalisia pa mienšaj miery vosiem rasijskich bieśpiłotnikaŭ, paviedamiŭ prezident Ukrainy Uładzimir Zialenski.
«Maskva zaŭsiody vypraboŭvaje miažu mahčymaha, i kali nie sustrakaje mocnaj reakcyi, zastajecca na novym uzroŭni eskałacyi», — zajaviŭ jon. Zialenski nazvaŭ heta «nadzvyčaj niebiaśpiečnym precedentam dla Jeŭropy».
A 9-j ranicy siońnia ŭ Varšavie była sabranaja rada biaśpieki ŭ suviazi z načnoj situacyjaj.
Čytajcie taksama:
Dron upaŭ na žyły dom u Polščy
Polskaja palicyja znajšła paškodžany dron pad Biała-Padlaskaj
Polšča źbiraje ekstrannuju radu biaśpieki
«Heta akt vajny»: kanhresmien ZŠA zajaviŭ, što Rasija atakavała NATA