Siarhiej Cichanoŭski dabraŭsia da Biełaha doma
9 vieraśnia były palitviazień Siarhiej Cichanoŭski razam z daradcam Śviatłany Cichanoŭskaj pa dypłamatyčnych pytańniach Dzianisam Kučynskim sustrelisia ŭ Biełym domie sa śpiecyjalnym pamočnikam prezidenta ZŠA Donalda Trampa i dyrektaram pa Jeŭropie Čarlzam MakŁaflinam, paviedamiła pres-słužba Śviatłany Cichanoŭskaj.
Paviedamlajecca, što na sustrečy baki abmierkavali nastupnyja kroki ŭ spravie vyzvaleńnia ŭsich palitviaźniaŭ u Biełarusi i pošuku miechanizmaŭ, kab represii byli spynienyja.
Cichanoŭski padkreśliŭ, što ŭ amierykanskich miedyja vielmi mała havorycca pra vyzvaleńnie palitviaźniaŭ i pra rolu Trampa ŭ hetym pracesie.
Cichanoŭski padziakavaŭ Donaldu Trampu za svajo vyzvaleńnie paśla piaci hadoŭ źniavoleńnia i za jaho namahańni dziela vyzvaleńnia ŭsich 1300 biełaruskich palityčnych zakładnikaŭ. Jon adznačyŭ, što heta nie tolki asabistaje rašeńnie Trampa, ale i vyraznaja demanstracyja padtrymki svabody i čałaviečaj hodnaści.
«Vielmi važna trymać hetuju temu na paradku dnia, bo havorka idzie pra žyćci ludziej. Kali Prezidentu Trampu ŭdasca damahčysia vyzvaleńnia biełaruskich palitviaźniaŭ, heta budzie vialikaja pieramoha i dla Biełaha doma, i dla svabodnaj Biełarusi», — zajaviŭ Cichanoŭski.
Dzianis Kučynski, u svaju čarhu, padkreśliŭ:
«Praciahvajem supracoŭnictva z administracyjaj ZŠA pa vyzvaleńni biełaruskich palitviaźniaŭ i spynieńni represijaŭ. Heta klučavy krok na šlachu da svabody i demakratyi ŭ našaj krainie».
Čytajcie taksama:
Jeŭrapiejskim čynoŭnikam rassyłajucca paviedamleńni ad fejkavaha Cichanoŭskaha
Cichanoŭski ličyć, što ŭ Minsku budzie vulica Navalnaha
Cichanoŭski patłumačyŭ, čamu ŭ 2020‑m nie adbyłosia raskołu elit u Biełarusi