U Biełaviežskaj puščy znajšli hryb, raniej nieviadomy navucy

U Biełaviežskaj puščy navukoŭcy znajšli novy dla suśvietnaj navuki vid miksamicetaŭ, ci ślizievikoŭ — Lycogala persicum. Raniej paviedamlałasia pra znachodku vidu, jaki byŭ nieviadomy tolki ŭ Biełarusi, a ciapier adkryty ŭžo zusim novy arhanizm i dla ŭsiaho śvietu, piša pres-słužba Biełaviežskaj puščy.

Fota: npbp.by

Materyjały dla daśledavańnia sabraŭ biełaruski mikołah Jaŭhien Maroz u Biełaviežskaj puščy, Naračanskim nacyjanalnym parku i Biarezinskim bijaśfiernym zapaviedniku. Sumiesnaja praca vučonych ź Biełarusi, Hiermanii, Łatvii, Rasii i ZŠA paćvierdziła, što heta sapraŭdy novy vid miksamicetaŭ.

Fota: npbp.by

Poŭnaja nazva vidy ŭklučaje proźvišča i biełaruskaha daśledčyka: Lycogala persicum Leontyev, J. Kluša, E. Moroz, Millican & Ishchenko. Sam ža vid zarehistravany ŭ mižnarodnaj bazie MycoBank pad numaram 857826.

Kamientary da artykuła