У Белавежскай пушчы знайшлі грыб, раней невядомы навуцы

У Белавежскай пушчы навукоўцы знайшлі новы для сусветнай навукі від міксаміцэтаў, ці слізевікоў — Lycogala persicum. Раней паведамлялася пра знаходку віду, які быў невядомы толькі ў Беларусі, а цяпер адкрыты ўжо зусім новы арганізм і для ўсяго свету, піша прэс-служба Белавежскай пушчы.

Фота: npbp.by

Матэрыялы для даследавання сабраў беларускі міколаг Яўген Мароз у Белавежскай пушчы, Нарачанскім нацыянальным парку і Бярэзінскім біясферным запаведніку. Сумесная праца вучоных з Беларусі, Германіі, Латвіі, Расіі і ЗША пацвердзіла, што гэта сапраўды новы від міксаміцэтаў.

Фота: npbp.by

Поўная назва віды ўключае прозвішча і беларускага даследчыка: Lycogala persicum Leontyev, J. Kluša, E. Moroz, Millican & Ishchenko. Сам жа від зарэгістраваны ў міжнароднай базе MycoBank пад нумарам 857826.

Каментары да артыкула