U Arhiencinie siamiejnaja para viarnuła karcinu, skradzienuju nacystami. Choć i nie chacieła hetaha rabić
Historyja z «Partretam damy» italjanskaha mastaka Vitore Hisłandzi (1655-1743) pačałasia jašče ŭ časy Druhoj suśvietnaj vajny. Tady nacysty kanfiskavali majomaść jaŭrejskich uładalnikaŭ u Niderłandach, siarod jakich byŭ art-dyler Žak Hudstykier. Karcinu prysvoiŭ esesaŭski aficer Frydrych Kadhin, jaki paśla vajny ŭciok u Arhiencinu i žyŭ tam da svajoj śmierci ŭ 1979 hodzie, paviedamlaje Reuters.
«Partret damy». Fota: AP Photo/Christian Heit
Kali Kadhin pamior, ułady Arhienciny nie znajšli ŭ jaho skradzienych kaštoŭnaściaŭ. Adnak u 2025 hodzie, kali jahonaja dačka Patrysija vyrašyła pradać spadčynny dom u Buenas-Ajresie, žurnalisty niderłandskaha vydańnia Algemeen Dagblad zaŭvažyli na fota interjeraŭ «Partret damy».
Kali ŚMI pasprabavali vyjści na kantakt z uładalnikami, karcina raptam źnikła sa ściany — na jaje miescy źjaviŭsia dyvan.
Adnak palicyja pačała rasśledavańnie, i ŭ pačatku vieraśnia siamiejnaja para ŭsio ž taki pieradała pałatno praz svajho advakata. Sami sužoncy ciapier znachodziacca pad chatnim aryštam, rasśledujucca ich sproby pieraškodzić pošukam karciny.
Čytajcie taksama:
Pradajuć kalekcyju, kanfiskavanuju ŭ Babaryki. A što stała z tvorami, jakija kanfiskoŭvali nacysty?
Francyja viartaje Madahaskaru čerap miascovaha karala, jakomu adsiekli hałavu 128 hadoŭ tamu
Na polskim aŭkcyjonie ŭspłyła karcina, jakaja mahła być vykradziena nacystami z muzieja ŭ Hrodnie