MZS Polščy: Zatrymańnie palaka ŭ Lepieli moža być pravakacyjaj
Namieśnik ministra zamiežnych spraŭ Polščy Rafał Basacki ŭ televizijnym efiry paviedamiŭ, što infarmacyja pra zatrymańnie palaka Hžehaža Havieła biełaruskim KDB ciapier praviarajecca. Jon padkreśliŭ, što heta moža być pravakacyja albo sfalsifikavanaja historyja.
Hžehaž Havieł. Skrynšot ź videa
Basacki adznačyŭ, što Polšča i krainy NATO z tryvohaj nazirajuć za vučeńniami «Zachad-2025», dzie adpracoŭvajucca roznyja maštabnyja scenary.
Pavodle jaho słoŭ, biełaruskija ŭłady ŭžo nieadnarazova vykarystoŭvali pravakacyi ŭ adnosinach da Polščy, tamu i ciapier nieabchodna spakojna acanić situacyju.
Dypłamat nahadaŭ taksama, što niadaŭna śpiecyjalny pradstaŭnik prezidenta ZŠA Donalda Trampa hienierał Kiełah naviedaŭ nie tolki Maskvu, ale i Minsk. Heta, pavodle Basackaha, moža śviedčyć pra sproby naładzić peŭny dyjałoh. Adnak kali na hetym fonie adbyvajucca takija incydenty, to «heta drenny sihnał».
Čytajcie taksama:
U Lepieli zatrymali palaka, jaki nibyta zdabyŭ dakumienty vučeńniaŭ «Zachad-2025»
Prapahandysty zajavili pra zatrymańnie ŭ Lepieli «polskaha špijona»