Źjaviŭsia novy trajan, jaki kradzie danyja bankaŭskich kartaŭ

Machlary pačali aktyŭna vykarystoŭvać u svaich schiemach škodnasnuju prahramu Phantom Card. Jana kradzie danyja bankaŭskich kart i inšuju asabistuju infarmacyju. Zvyčajna trajan traplaje ŭ smartfony praz padroblenyja prahramy ci spasyłki ź fišynhavych paviedamleńniaŭ.

Fota ilustracyjnaje

Schiema vyhladaje tak: złamyśniki telefanujuć, pradstaŭlajucca supracoŭnikami Nacbanka ci siłavych struktur i nastojliva prosiać ustalavać «słužbovy» dadatak dla pravierki kartki. Spasyłku na zahruzku jany dasyłajuć sami.

Paśla ŭstanoŭki machlary patrabujuć prykłaści kartku da telefona. U hety momant prahrama sčytvaje danyja z čypa kartki i pieradaje ich ašukancam. U vyniku jany mohuć zdymać hrošy ŭ bankamatach biez udziełu achviary.

Abaranicca ad hetaha rekamiendujecca nastupnym čynam:

• Nie razmaŭlajcie ź nieznajomcami ŭ miesiendžarach, navat kali jany nazyvajucca supracoŭnikami bankaŭ abo dziaržaŭnych struktur.
• Nie pierachodźcie pa spasyłkach z SMS i paviedamleńniaŭ.
• Nie ŭstaloŭvajcie prahramy z vypadkovych krynic — karystajciesia tolki aficyjnymi kramami, jak Google Play, i čytajcie vodhuki.
• Kali vam prychodzić spasyłka «ad banka» dla ŭstalavańnia abo abnaŭleńnia prahramu — patelefanujcie na haračuju liniju banka i praviercie infarmacyju.
• Kali jość padazreńnie, što kartka skampramietavanaja, adrazu zabłakujcie jaje praz mabilny dadatak abo patelefanavaŭšy ŭ bank.

Kamientary da artykuła