Hruziju nie zaprasili na sustreču ministraŭ ES z krainami-kandydatami na siabroŭstva
Pradstaŭnika ŭrada Hruzii nie zaprasili na sustreču ministraŭ pa spravach Jeŭropy ź ministrami krain-kandydatak na siabroŭtva ŭ ES, jakaja projdzie ŭ Kapienhahienie 1—2 vieraśnia ŭ miežach niefarmalnaha pasiadžeńnia ministraŭ ES. Pra heta paviedamlaje «Jeŭrapiejskaja praŭda» sa spasyłkaj na niekalkich dypłamataŭ ES.
Padčas prajeŭrapiejskich pratestaŭ u Tbilisi. Fota: AP Photo/Zurab Tsertsvadze
Hruzija nie budzie prysutničać na sustrečy krain-kandydatak, bo, pa słovach adnaho z dypłamataŭ, jana «aficyjna prypyniła praces ustupleńnia ŭ ES».
Raniej ES nakiravaŭ Hruzii list z patrabavańniem adnavić viaršenstva prava i pierahledzieć strohija prysudy členam apazicyi da 31 žniŭnia 2025 hoda, inakš moža być prypynieny biaźvizavy režym dla hramadzian Hruzii. Hałoŭnaja dypłamatka ES Kaja Kałłas paćvierdziła, što Jeŭrasajuz razhladaje mahčymaść prypynieńnia bieźvizavaha režymu dla cisku na hruzinskija ŭłady.
Akramia taho, Parłamientskaja asambleja Rady Jeŭropy (PARIE) moža raspačać praces vyklučeńnia Hruzii z hetaj arhanizacyi.
Čytajcie taksama:
Biełarusu, aryštavanamu ŭ Hruzii, vydali časovy dakumient ab lehalizacyi
Kaho prymuć u ES u najbližejšyja hady?
Chacieli jak lepš, a vyjšła jak zaŭsiody. Pra što śviedčać małdaŭskija vybary