Robiert Fica źlotaje ŭ Kitaj da Pucina, a paśla sustreniecca ź Zialenskim
Premjer-ministr Słavakii Robiert Fica paviedamiŭ, što na hetym tydni sustreniecca z prezidentam Ukrainy Uładzimiram Zialenskim. Pra heta jon zajaviŭ u videazvarocie, apublikavanym u fejsbuku, piša «Jeŭrapiejskaja praŭda».
Premjer-ministr Słavakii Robiert Fica. Fota: AP Photo/Darko Vojinovic
Pavodle słoŭ Robierta Fica, spačatku jon naviedaje Kitaj, dzie maje pravieści pieramovy sa staršynioj KNR Si Czińpinam i prezidentam Rasii Uładzimiram Pucinym, jaki znachodzicca tam z aficyjnym vizitam. Paśla viartańnia ź Piekina ŭ čaćvier viečaram Fica płanuje pajechać na ŭschod Słavakii, dzie ŭ piatnicu adbudziecca dvuchbakovaja sustreča z ukrainskim lidaram.
Detali pieramoŭ pakul nie ahučvajucca, a sama sustreča raniej nie anansavałasia. Kali jana sapraŭdy adbudziecca, to heta budzie pieršaja asabistaja sustreča Ficy i Zialenskaha z momantu viartańnia słavackaha premjera da ŭłady ŭ 2023 hodzie. Da hetaha adnosiny pamiž Bracisłavaj i Kijevam byli napružanyja z-za vizitaŭ Ficy ŭ Maskvu i jaho kantaktaŭ z Pucinym.
Akramia taho, 9 maja Fica byŭ adzinym lidaram krain Jeŭrasajuza, jaki prysutničaŭ na ŭračystaściach u Maskvie pa zaprašeńni Pucina. Taksama tam prysutničaŭ prezident Sierbii Alaksandr Vučyč.
Čytajcie taksama:
Fica paraŭnaŭ Ukrainu z travoj padčas seksu słanoŭ — MZS Ukrainy adreahavała
Premjer Słavakii skoknuŭ u Dunaj, kab dakazać, što zdarovy
Fica prapanavaŭ Zialenskamu sustrecca i abmierkavać tranzit hazu. Toj adkazaŭ łakanična