U słuckaj škole premjera Turčyna słuchała vielmi sumnaja pčała VIDEA
Premjer-ministr 1 vieraśnia pryjechaŭ u Słuck adkryvać novuju pačatkovuju škołu. Ale hałoŭnym hierojem śviata staŭ nie jon.
Skrynšot videa
U Słucku 1 vieraśnia adkryvali novuju pačatkovuju škołu-sad. U jaje adnačasova zmohuć chadzić amal 500 dziaciej. Na liniejku ŭ novuju škołu pryjechaŭ premjer-ministr Alaksandr Turčyn.
Jon vystupiŭ pierad dziećmi, baćkami i piedahohami z tradycyjnaj pa formie i źmieście aficyjnaj pramovaj. U hety momant za śpinaj Turčyna stajali čynoŭniki i kiraŭnictva škoły. Ale nie tolki jany. Trochi vyšej na prystupkach premjera słuchała vielmi sumnaja pčała.
Zychodziačy z emblemy, pčała — heta simvał škoły-sada. Tamu na liniejcy dziaciej zabaŭlaŭ i maskot. Ale to ci sonca zanadta ŭžo piakło, to ci pramova Turčyna naviejvała nieviasiołyja dumki, ale vyhlad u pčołki byŭ sumny.