У слуцкай школе прэм'ера Турчына слухала вельмі сумная пчала ВІДЭА
Прэм'ер-міністр 1 верасня прыехаў у Слуцк адкрываць новую пачатковую школу. Але галоўным героем свята стаў не ён.
Скрыншот відэа
У Слуцку 1 верасня адкрывалі новую пачатковую школу-сад. У яе адначасова змогуць хадзіць амаль 500 дзяцей. На лінейку ў новую школу прыехаў прэм'ер-міністр Аляксандр Турчын.
Ён выступіў перад дзецьмі, бацькамі і педагогамі з традыцыйнай па форме і змесце афіцыйнай прамовай. У гэты момант за спінай Турчына стаялі чыноўнікі і кіраўніцтва школы. Але не толькі яны. Трохі вышэй на прыступках прэм'ера слухала вельмі сумная пчала.
Зыходзячы з эмблемы, пчала — гэта сімвал школы-сада. Таму на лінейцы дзяцей забаўляў і маскот. Але то ці сонца занадта ўжо пякло, то ці прамова Турчына навейвала невясёлыя думкі, але выгляд у пчолкі быў сумны.