Biełarus sprabavaŭ zavieźci ź Litvy partyju noŭtbukaŭ u tajnikach aŭto
Čarhovy tajnik, abstalavany ŭ aŭtamabili, znajšli hrodzienskija mytniki na punkcie propusku «Kamienny Łoh». U hetym vypadku 37-hadovy hramadzianin Biełarusi, jaki ruchaŭsia ź Litvy, schavaŭ tavary, jakija ŭvoziacca niezakonna, u bakavych ścienkach technałahičnych skryń hruzavoha aŭtamabila Mercedes, paviedamlaje Dziaržaŭny mytny kamitet.
Znajści miescy tajnikoŭ udałosia dziakujučy prymianieńniu inśpiekcyjna-nadhladnaha kompleksu. Pry dalejšym dahladzie i demantažy technałahičnych niš sa schovanak było vyniata 10 noŭtbukaŭ.
Da rašeńnia suda kanfiskavanyja jak tavary, tak i siedłavy ciahač 2019 hoda vypusku. Ahulny acenačny košt kanfiskavanaha skłaŭ kala 225 tysiač rubloŭ. Hrodzienskaja rehijanalnaja mytnia pačała administracyjny praces.
Čytajcie taksama:
Biełaruskija mytniki zatrymali vielizarnuju partyju narkotykaŭ — 637 kiłahramaŭ
Biełarus chacieŭ nielehalna pravieźci praź miažu nasieńnie ciulpanaŭ, ciapier moža stracić mašynu
Viciebski muziej papoŭniŭ svaje zbory pry dapamozie mytnikaŭ