Prezident Polščy znoŭ zapatrabavaŭ reparacyj ad Hiermanii za Druhuju suśvietnuju vajnu

Prezident Polščy Karal Naŭrocki padčas uračystaściaŭ u Hdańsku, pryśviečanych 86-j hadavinie pačatku Druhoj suśvietnaj vajny, znoŭ padniaŭ pytańnie, što Hiermanija nibyta jašče pavinna Polščy hihanckija reparacyi. 

Karal Naŭrocki. Fota: Mateusz Slodkowski/Getty Images

Naŭrocki padkreśliŭ, što dla pabudovy dobrasusiedskich i ščyrych adnosin nieabchodna vyrašyć pytańnie vajennych kampiensacyj. Jon zajaviŭ, što jak kiraŭnik dziaržavy patrabuje ich «dziela ahulnaha dabra». Na jaho dumku, reparacyi patrebnyja nie tolki jak elemient histaryčnaj spraviadlivaści, ale i jak harantyja prazrystych adnosin pamiž Polščaj i Hiermanijaj.

Da abrańnia prezidentam u 2025 hodzie Naŭrocki kiravaŭ Instytutam nacyjanalnaj pamiaci, jaki vyvučaje złačynstvy nacysckaj i savieckaj akupacyj. Padčas pieradvybarčaj kampanii jon nieadnarazova ŭzdymaŭ temu reparacyj.

Varšava patrabuje ad Bierlina kampiensacyju jašče z 2017 hoda. Suma aceniena prykładna ŭ 6,2 tryljona złotych (kala 1,3 tryljona jeŭra). Hiermanija ž nastojvaje, što jurydyčna heta pytańnie zakrytaje, choć i pryznaje svaju histaryčnuju adkaznaść.

Kamientary da artykuła