Dzie ž sama delehatka KR Karpušonak, jakaja abvinavaciła Łatušku?

Paśla ŭčorašniaha dopisu ŭ fejsbuku jana nie adkazvaje ŭ miesiendžarach.

Volha Karpušonak. Fota: fejsbuk

Delehatka Kaardynacyjnaj rady Volha Karpušonak učora abvinavaciła Paŭła Łatušku ŭ charasmiencie. Toje abvinavačańnie palityk adrazu abvierh i ŭkazaŭ na niestykoŭki ŭ słovach Volhi. Łatuška taksama zajaviŭ, što ŭ kamandy NAU raniej byli padazreńni nakont mahčymaha supracoŭnictva žančyny sa śpiecsłužbami zamiežnaj dziaržavy. Joj prapanavali prajści palihraf, paśla čaho jana spyniła supracoŭnictva z kamandaj NAU.

Praź niejki čas Karpušonak napisała ŭ fejsbuku, što jaje sacsietki nibyta łamajuć i bolš nie adkazvała.

Karespandent «Našaj Nivy» pisaŭ Karpušonak u telehramie, ale tam jana maŭčyć. Choć jaje akaŭnt aktyŭny — apošni vizit byŭ 31 žniŭnia ŭ 12.22.

Sama delehatka paśla pierajezdu z Ukrainy žyła ŭ Polščy. Ale vyhladaje, što jana ŭžo nie tam. Prynamsi videa z abvinavačańniem Łatuški, jakoje Volha vykładała ŭ fejsbuku 30 žniŭnia, było zapisana ŭ inšaj krainie.

Skryšot videa Karpušonak

Miarkujučy pa piejzažy za śpinaj Volhi, źniataje jano na poŭdni Ispanii. Mahčyma, u Hranadzie — tam jość kałona, padobnaja da toj, što na kadrach Karpušonak. Raślinnaść taksama padobnaja da taho rehijonu. Adnak jakaść videa nie nadta vysokaja, kab skazać dakładna.

Kałona (pomnik Biezzahannaha začaćcia) u Hranadzie. Fota: commons.wikimedia.org

Paplečnica pa Kaardynacyjnaj Radzie Karpušonak Taćciana Martynava vykazvała viersiju, što Volha ciapier nie ŭ ES. Apošni raz jana bačyłasia z Volhaj na kanfierencyi «Novaja Biełaruś» u Varšavie 9—10 žniŭnia.

Kamientary da artykuła