Łukašenka ŭ niadzielu na čatyry dni palacić u Kitaj
Łukašenka źbirajecca być u Kitai čatyry dni, paviedamlaje jahonaja pres-słužba. U asnoŭnym jahony vizit źviazany z udziełam u mierapryjemstvach Šanchajskaj arhanizacyi supracoŭnictva.
Alaksandr Łukašenka. Fota: Kristina Kormilitsyna, Sputnik, Kremlin Pool Photo via AP
31 žniŭnia — 1 vieraśnia ŭ horadzie Ciańcziń Łukašenka voźmie ŭdzieł u samicie Šanchajskaj arhanizacyi supracoŭnictva (ŠAS), jaki stanie najbujniejšym u historyi hetaj arhanizacyi.
Čakajecca, što na hetym samicie kiraŭniki dziaržaŭ, jakija składajuć hetuju arhanizacyju, prymuć Ciańczinskuju dekłaracyju i zaćvierdziać stratehiju raźvićcia ŠAS na nastupnyja 10 hadoŭ — da 2035 hoda. Akramia hetaha, buduć abmierkavanyja pytańni biaśpieki, ekanamičnaha i humanitarnaha supracoŭnictva, pryniatyja adpaviednyja rašeńni, sumiesnyja zajavy i padpisanyja miždziaržaŭnyja pahadnieńni.
Taksama Łukašenka voźmie ŭdzieł u samicie ŭ farmacie «ŠAS plus», dzie da ŭdzielnikaŭ dałučacca kiraŭniki dziaržaŭ-naziralnic, pradstaŭniki mižnarodnych arhanizacyj i vysokija hości, zaprošanyja Kitajem. Ahulnaja kolkaść udzielnikaŭ — bolš za try dziasiatki kiraŭnikoŭ dziaržaŭ i mižnarodnych arhanizacyj.
Akramia taho, 3 vieraśnia Łukašenka źbirajecca prysutničać u Piekinie na śviatočnych mierapryjemstvach, pryśviečanych 80-j hadavinie Pieramohi nad Japonijaj i zakančeńniu Druhoj suśvietnaj vajny, u tym liku na paradzie na płoščy Ciańańmeń.
Čytajcie taksama:
Afrykanski Łukašenka prysudziŭ svajmu synu šeść hadoŭ turmy
Biełarusy hadami nadurvali kitajcaŭ z kurynymi łapkami. Ale skončyłasia heta kiepska