Pierad vučeńniami «Zachad-2025» vyprabavali «aŭtamatyčnuju sistemu kiravańnia vojskami»
28 žniŭnia Ministerstva abarony Biełarusi paviedamiła pra paśpiachovaje zaviaršeńnie dziaržaŭnych vyprabavańniaŭ novaha prahramnaha kompleksu, jaki zabiaśpiečvaje aŭtamatyzavanuju sistemu kiravańnia vojskami. Jak adznačyŭ načalnik suviazi Uzbrojenych sił Vadzim Ramaniŭ, sistema była pratestavanaja ŭ realnych umovach i ŭ maštabach, nabližanych da bajavych.
Fota: «Vajar»
Zaklučnym etapam pierad ahulnymi vučeńniami «Zachad-2025» stali apieratyŭna-śpiecyjalnyja vučeńni vojskaŭ suviazi. Asablivaściu hetych vučeńniaŭ było vykarystańnie bieśpiłotnikaŭ dla pašyreńnia mahčymaściaŭ suviazi: naprykład, z dapamohaj drona, jaki pieranosić retranślatar, možna značna pavialičyć dalokaść radyjosihnału.
Akramia taho, vojski suviazi adpracoŭvali ŭzajemadziejańnie z padraździaleńniami radyjoelektronnaj baraćby i raźviedki ŭ režymie realnych pieraškod i pravierki stojkaści sistem.
Pa słovach Vadzima Ramaniva, biełaruski i rasijski baki zahadzia ŭzhadnili pytańni sumiaščalnaści srodkaŭ suviazi. Na biełaruskich pradpryjemstvach zabiaśpiečyli, kab roznyja kompleksy mahli pracavać razam biez zbojaŭ i vykonvać pastaŭlenyja zadačy. Jon padkreśliŭ, što prablem z hetym niama, isnujuć tolki roznyja sposaby arhanizacyi suviazi.
Čytajcie taksama:
Valfovič: Mety vučeńniaŭ «Zachad-2025» vyklučna abarončyja
Ukraina paraiła biełaruskaj armii padčas vučeńniaŭ nie nabližacca da miažy
Litva pierad vučeńniami «Zachad-2025» na ŭsialaki vypadak uzmacniaje miažu
U Biełarusi ŭžo zrabili čatyry ŭmacavanyja rajony
Na vučeńniach «Zachad-2025» adpracujuć płanavańnie prymianieńnia jadziernaj zbroi i «Arešnika»