HUR zrabiła padryŭ na čyhunačnaj stancyi ŭ Ćviary VIDEA
Na terytoryi Rasii ranicaj 28 žniŭnia ŭ vyniku vybuchu źniščanaja infrastruktura vuzłavoj čyhunačnaj stancyi Ćvier, paviedamlaje «RBK-Ukraina».
Pavodle infarmacyi krynic «RBK-Ukraina», ataka na stancyju adbyłasia kala 05:00.
Jak vidać na atrymanym redakcyjaj videa, pad čyhunačnymi cysternami, jakija znachodzilisia na čyhunačnym pałatnie i vidavočna byli napoŭnienyja palivam, była zakładzienaja vybuchoŭka.
Za niekalki siekundaŭ adbyŭsia mahutny vybuch šlacham dystancyjnaha padryvu. Paśla hetaha cysterny byli achoplenyja ahniom z nastupnym raspaŭsiudžvańniem pažaru na ŭsiu terytoryju čyhunačnaj stancyi.
Jak paviedamiŭ surazmoŭca vydańnia ŭ Hałoŭnym upraŭleńni raźviedki Ukrainy, ataka na vuzłavuju stancyju Ćvier źjaŭlajecca častkaj kompleksu mier pa źniščeńni łahistyčnych mahčymaściaŭ rasijan.
Čytajcie taksama:
Śledčyja ŭ Hiermanii vyznačyli asoby ŭsich padazravanych u padryvie «Paŭnočnych patokaŭ»
Marski dron HUR źniščyŭ hrupu elitnych rasijskich vadałazaŭ u buchcie Navarasijska
U Branskaj vobłaści USU padarvali most kala sutyku miežaŭ Biełarusi, Rasii i Ukrainy