Pastara z Chojnickaha rajona asudzili pa «spravie Hajuna»
U Homieli 20 žniŭnia abviaścili prysud Alehu Łojku — pastaru carkvy chryścijan viery jevanhielskaj ź vioski Niebytaŭ Chojnickaha rajona, kiraŭniku misii «Viartańnie», jakaja zajmajecca reabilitacyjaj ludziej z narkatyčnaj zaležnaściu. Pra heta daviedałasia «Chryścijanskaja vizija».
Aleh Łojka
Sudździa Siarhiej Sałoŭski pryznačyŭ Alehu Łojku try z pałovaj hady pazbaŭleńnia voli va ŭmovach uzmocnienaha režymu. Pastara abvinavacili pa art. 361-4 Kryminalnaha kodeksa («Sadziejničańnie ekstremisckaj dziejnaści») — nibyta za pieradaču infarmacyi pra pieramiaščeńni rasijskaj vajskovaj techniki manitorynhavamu prajektu «Biełaruski Hajun».
Sud prachodziŭ u zakrytym režymie. Sam Aleh Łojka svajoj viny nie pryznaje i kaža, što jaho sumleńnie pierad Boham zastajecca čystym.
Śviatara zatrymali 22 krasavika 2025 hoda, z taho času jon znachodziŭsia ŭ SIZA-3 u Homieli.