Biełaruś atrymała ad Rasii čarhovuju partyju samalotaŭ-źniščalnikaŭ
Napiaredadni vučeńniaŭ «Zachad-2025» Biełaruś atrymała z Rasii čarhovuju partyju źniščalnikaŭ Su-30SM2 dla svaich pavietranych sił. Jak paviedamili ŭ Ministerstvie abarony, hetyja samaloty mohuć vykarystoŭvać roznyja typy rakiet — jak «pavietra-pavietra», tak i «pavietra-ziamla».
Načalnik štaba i pieršy namieśnik načalnika avijacyi VPS i vojskaŭ SPA Andrej Račkoŭ adznačyŭ, što madernizavanaja viersija maje ŭ try razy bolšuju dalokaść vyjaŭleńnia met, abnoŭlenuju avijoniku i navihacyjnyja sistemy, zdolnyja pracavać aŭtanomna, a taksama pašyranyja mahčymaści pa prymianieńni jak kiravanych, tak i niekiravanych rakiet i bombaŭ.
Pieršuju partyju Su-30SM2 Biełaruś atrymała ŭ mai 2025 hoda. Kolkaść samalotaŭ u ciapierašniaj pastaŭcy Račkoŭ nie nazvaŭ, ale na fotazdymkach pres-słužby Minabarony bačna jak minimum dva źniščalniki.
Fota: Ministerstva abarony
Paśla ŭviadzieńnia sankcyj suprać Rasii vytvorčaść Su-30SM2 viadziecca tolki z ajčynnych materyjałaŭ i detalaŭ. U Biełaruś pieradajucca mienavita takija mašyny, vyrablenyja na Irkuckim avijacyjnym zavodzie.
Čytajcie taksama:
Hiermanija pierad vučeńniami «Zachad-2025» pierakidaje svaje źniščalniki ŭ Polšču
Prezidenta Indaniezii mahło pryvieści ŭ Biełaruś žadańnie nabyć zbroju
U Litvie raskazali, čamu nie źbivali dron, jaki zalacieŭ da ich ź Biełarusi