Ukrainskaje HUR praviało ataku na rasijskuju čaść u Krasnadarskim krai
Ranicaj 8 žniŭnia ŭ pasiołku Afipski, što ŭ Krasnadarskim krai Rasii, ukrainskaje Hałoŭnaje ŭpraŭleńnie raźviedki praviało ataku na vajskovuju častku 90-j zienitna-rakietnaj bryhady, paviedamlaje RBK-Ukraina na padstavie śviedčańnia svaich krynic va ŭkrainskaj raźviedcy.
U vyniku vybuchaŭ, jak paviedamlajecca, zahinuli jak minimum 12 rasijskich vajskoŭcaŭ, jašče dziasiatki byli paranienyja, a taksama źniščanaja vajskovaja technika.
Vakoł miesca vybuchaŭ chutka sabralisia mašyny chutkaj dapamohi i śpiecsłužbaŭ. Miascovyja ŭłady abviaścili režym «antaterarystyčnaj apieracyi» i pierakryli rajon.
Kab schavać fakt ataki, rasijskija ŭłady raspaŭsiudzili infarmacyju, nibyta vybuchi adbylisia praź niaspraŭnaść hazavaha abstalavańnia ŭ mašynie, a FSB pačała vydalać zhadki pra zdareńnie ŭ ŚMI i sacsietkach.
Pavodle śviedčańniaŭ HUR, hetaja bryhada ŭdzielničała ŭ bajavych dziejańniach suprać Ukrainy na Chiersonskim i Zaparožskim kirunkach.
Čytajcie taksama:
U ZŠA nazvali piać mahčymych scenaryjaŭ zakančeńnia vajny va Ukrainie
Rasija znoŭ rychtujecca da vyprabavańniaŭ «latajučaha Čarnobyla»
Zachodnija śpiecsłužby fiksujuć źnižeńnie kolkaści rasijskich dyviersij u Jeŭropie