Cichanoŭskaja adkazała, čamu dahetul nie vyvučyła litoŭskuju movu

Biełaruskaja demakratyčnaja lidarka Śviatłana Cichanoŭskaja dała intervju Litoŭskamu radyjo. Siarod inšaha jaje zapytali, čamu za piać hadoŭ žyćcia ŭ Litvie jana dahetul nie zasvoiła litoŭskuju movu.

Śviatłana Cichanoŭskaja. Fota: Getty Images

«Nasamreč heta dla mianie davoli balučaje pytańnie. Bolšuju častku času ja jezdžu z aficyjnymi vizitami pa roznych krainach, sustrakajusia ź ludźmi i pravodžu šmat času ź biełarusami.

Heta pieršaja pryčyna. A druhaja — ja ŭvieś čas nie ŭśviedamlała, što ja tut na doŭhi čas. Z 2020 hoda my dumali, što voś-voś, voś-voś i my vierniemsia dadomu. 

Ja pačała ŭžo brać uroki litoŭskaj movy, kab vyvučać jaje, jana sapraŭdy pryhožaja. I ja zaklikaju ŭsich biełarusaŭ vyvučać litoŭskuju movu, bo heta pierš za ŭsio pavaha da krainy, jakaja dała nam prytułak», — adkazała Cichanoŭskaja.

Kamientary da artykuła