Bolš za paŭtary tysiačy taksistaŭ mohuć vyklučyć z rejestra pieravozčykaŭ

Ministerstva transpartu nahadała, što mnohich kiroŭcaŭ unieśli ŭ rejestr pieravozčykaŭ zahadzia — jašče da taho, jak jany atrymali paśviedčańnie ab pavyšeńni kvalifikacyi. Ale im byŭ dadzieny ćviordy termin, kab jany vykanali novyja patrabavańni zakanadaŭstva, piša autogrodno.by.

Fota ilustracyjnaje

Novyja praviły byli ŭviedzienyja z 1 sakavika 2025 hoda, ale taksisty mahli praciahvać pracavać z umovaj: pavysić kvalifikacyju treba da 31 žniŭnia 2025 hoda.

Patrabavańnie tyčycca prykładna 1,7 tysiačy čałaviek. Paśla taho jak termin pavyšeńnia kvalifikacyi skončycca, pieravozčyk abaviazany ciaham 15 dzion (ale nie paźniej za 15 vieraśnia) unieści adpaviednyja źmieny ŭ infarmacyju pra kiroŭcu.

Kali hetaha nie zrabić u termin, ułady mohuć prypynić dziejańnie zapisu pra kiroŭcu ŭ rejestry.

Ciapier u Biełarusi pracuje bolš za 60 arhanizacyj, dzie možna pavysić kvalifikacyju pa katehoryi «B», i bolš za 36 — pa katehoryi «D». Pavodle danych Mintransa, miescaŭ u hetych ustanovach dastatkova: za miesiac mohuć prajści navučańnie bolš za 5,5 tysiač čałaviek pa «B» i kala 1000 — pa «D».

Kamientary da artykuła