Biełarusy ciapier mohuć anłajn adsočvać, dzie znachodzicca mižnarodny aŭtobus
Biełarusy ciapier mohuć u režymie anłajn adsočvać, dzie znachodzicca mižnarodny aŭtobus, na jaki jany nabyli kvitok. Pra heta paviedamiŭ servis prodažu kvitkoŭ Infobus.by.
Fota ilustracyjnaje
Novaja funkcyja dazvalaje ŭ režymie realnaha času bačyć maršrut i miescaznachodžańnie aŭtobusa.
U elektronnym kvitku ad pieravozčykaŭ — takich jak «Aŭtobusny park №5 Minsktransa», «RKEkspres», Brescki i Pinski aŭtobusnyja parki, a taksama aŭtobusny park Baranavičaŭ — źjaviłasia śpiecyjalnaja spasyłka: «Pakazać, dzie aŭtobus».
Pasažyr, nacisnuŭšy na hetuju spasyłku, zmoža adsočvać ruch transpartu. Spasyłka dastupnaja jak u ličbavym kabiniecie na sajcie, tak i ŭ mabilnym dadatku (paśla rehistracyi).
Hetaja mahčymaść budzie asabliva zručnaj dla tych, chto sustrakaje rodnych abo siabroŭ, a taksama kali aŭtobus zatrymlivajecca na miažy — možna adrazu daviedacca, kali jon pryjedzie na prypynak.
Čytajcie taksama:
Praściej źlatać u Aziju: biełaruska raspaviała, jak dabirałasia z Hrodna ŭ Biełastok
Dziaŭčyna padsieła ŭ druhi aŭtobus u čarzie i prajšła miažu Polščy ź Biełaruśsiu ŭsiaho za paŭsutak