Žanaty kiraŭnik IT-kampanii trapiŭ u kadr z kachankaj na kancercie ŭlubionaha hurta. Heta stała dla pary niespadziavankaj VIDEA
Na kancercie hurta Coldplay u Bostanie kamiera vypadkova źniała kiraŭnika IT-kampanii Astronomer Endzi Bajrana i dyrektarku adździeła kadraŭ Kryścin Kabot, jakija stajali abniaŭšysia. Videa pakazali na vialikich ekranach stadyjona padčas pieśni jak častku tradycyjnaha momantu kiss cam (kamiery dla pacałunkaŭ).
Skrynšot ź videa
Salist hurta Krys Marcin zaŭvažyŭ paru i pažartavaŭ: «Tolki pahladzicie na hetych dvaich». Ale mužčyna raptoŭna adchinuŭsia ad žančyny i schavaŭsia za aharodžu, a jana prykryła tvar rukami. Marcin pažartavaŭ, što jany, napeŭna, abo zdradžvajuć kamuści, abo vielmi saramlivyja, što vyklikała śmiech u zale.
U kožnym razie chavacca było pozna. Scenu ŭbačyli 66 tysiač hledačoŭ u žyvym efiry i jašče 12 miljonaŭ u tyktoku za 9 hadzin.
Paźniej karystalniki socsietak paznali ŭ hetaj pary žanataha CEO kampanii Astronomer Endzi Bajrana i jaho kalažanku z kadravaha adździeła Kryścin Kabot. Hety momant staŭ virusnym, a ŭ internecie pačali źjaŭlacca asudžalnyja kamientary, asabliva na adras Bajrana. Ludzi škadujuć jahonuju žonku, jakaja padčas kancertu była doma z dvuma dziećmi, i ličać, što para była publična vykrytaja ŭ zdradzie.
Zhodna z LinkedIn, Endy Bajron staŭ hienieralnym dyrektaram u lipieni 2023 hoda, a Kryścin Kabot pracuje ŭ kampanii kala dzieviaci miesiacaŭ.