Daradca Cichanoŭskaj sustreŭsia ŭ Vašynhtonie z daradcam Vensa
Daradca biełaruskaj demakratyčnaj lidarki Śviatłany Cichanoŭskaj pa mižnarodnych pytańniach Dzianis Kučynski paviedamiŭ pra praviadzieńnie ŭ Vašynhtonie pieramoŭ z pradstaŭnikami amierykanskaj administracyi.
Dzianis Kučynski
«U mianie adbylisia ciopłyja i praduktyŭnyja kansultacyi ŭ Biełym domie z Endzi Biejkieram — namieśnikam daradcy pa nacyjanalnaj biaśpiecy prezidenta Donalda Trampa i daradcam pa nacyjanalnaj biaśpiecy vice-prezidenta Džeja Dzi Vensa», — napisaŭ Kučynski.
Pavodle jaho słoŭ,
«hetaja sustreča aznačaje najvyšejšy ŭzrovień uzajemadziejańnia demakratyčnaj Biełarusi ź Biełym domam z momantu abrańnia prezidenta Trampa — žyćciova važny krok da ŭmacavańnia našaha pastajannaha dyjałohu z ZŠA».
Fota: Ofis Cichanoŭskaj
Dzianis Kučynski pieradaŭ praz daradcu list Donaldu Trampu ad Śviatłany i Siarhieja Cichanoŭskich, a taksama padziakavaŭ amierykanskamu ŭradu za paśpiachovaje vyzvaleńnie biełaruskich palitviaźniaŭ, u tym liku — Siarhieja Cichanoŭskaha.
Abmierkavali taksama dalejšyja kroki ŭ raźvićci adnosin pamiž amierykanskim uradam i demakratyčnymi siłami Biełarusi, šlachi vyzvaleńnia palitviaźniaŭ, padychod u dačynieńni da režymu Łukašenki. A taksama ŭltymatum Trampa, mahčymaje pieramirje i cisk administracyi prezidenta ZŠA na Rasiju, pytańni rehijanalnaj biaśpieki i miesca Biełarusi ŭ pieramovach pamiž Ukrainaj i Rasijaj.
Čytajcie taksama:
Achova i dziasiatki ludziej u kamandzie: za što žyvie Ofis Cichanoŭskaj u Vilni?
U Jeŭrasajuzie anansavali novy pakiet dapamohi dla biełaruskich ŚMI i pravaabaroncaŭ
Cichanoŭskaja: Tolki demakratyčnaja Biełaruś moža być harantam miru i stabilnaści ŭ rehijonie