Na hetyja vychadnyja ŭpieršyniu za doŭhi čas u Biełarusi buduć palavać na miadźviedzia
U Biełarusi prajšoŭ pieršy rozyhryš prava na palavańnie na miadźviedzia. Jak paviedamili ŭ Biełaruskim tavarystvie palaŭničych i rybałovaŭ, u rozyhryšy pryniali ŭdzieł 140 čałaviek, ale pieramožcami stali tolki siem. Ich adabrali z dapamohaj śpiecyjalnaj kampjutarnaj prahramy.
Zdymak ilustracyjny. Fota: freepik.com
Ciapier z kožnym ź pieramožcaŭ źviažacca pradstaŭnik arhanizacyi, kab uzhadnić dakładny čas i miesca palavańnia. Pieršaje palavańnie na miadźviedzia zapłanavana ŭžo na hetyja vychadnyja.
Pavodle praviłaŭ, kali palaŭničy zdabudzie miadźviedzia, jon bolš nie moža ŭdzielničać u palavańni na hetuju žyviolinu ŭ biahučym siezonie. Kali ž zdabyča nie atrymałasia — čałaviek maje prava znoŭ padavacca na nastupnyja rozyhryšy.
Siezon palavańnia na miadźviedzia ŭ Biełarusi doŭžycca z 1 lipienia pa 31 śniežnia. Palavańnie moža adbyvacca jak dniom, tak i nočču — z zasady abo z padychodu, ale abaviazkova pad kiraŭnictvam instruktara.
Čytajcie taksama:
U lesie pamiž Iviancom i Rakavam turysty sustreli ryś z rysianiatami VIDEA
Jeŭrapiejskaja kraina, dzie miadźviedzi svabodna błukajuć i jakaja zrabiła na ich turbiznes
U siami biełaruskich lashasach dazvolili palavańnie na miadźviedzia