Rečyckija prapahandysty apałčylisia na lalek Łabubu

Rečyckaja rajonka abrynułasia z krytykaj na dziaciej, padletkaŭ i ich baćkoŭ — za toje, što tyja kuplajuć cacki Łabubu. Papularny va ŭsim śviecie trend, u tym liku i ŭ Biełarusi, aburyŭ rabotnika haziety Jaŭhiena Kapbu, jaki, darečy, pazicyjanuje siabie nie tolki jak žurnalist, ale i jak piśmieńnik-fantast, zaŭvažyŭ «Fłahštok».

Fota ilustracyjnaje

Rečycki prapahandyst nazyvaje kalekcyjanavańnie cacak «isteryjaj» i piša, što jamu strašna praz toje, što «našy dzieci tak lohka paddajucca ŭpłyvu nieviadomych ludziej, jakija prasoŭvajuć niešta čužoje i nieŭłaścivaje našaj kultury»:

«Strašna, što mnohija baćki nie mohuć rastłumačyć svaim dzieciam absurdnaść taho, što adbyvajecca, nie mohuć prapanavać zamienu absalutna bieskarysnaj štučcy».

Raniej ideołahi z takim ža impetam zmahalisia z Chahi Vahi — cackaj, jakaja była ŭ trendzie da Łabubu.

Kamientary da artykuła