Siarhiej i Śviatłana Cichanoŭskija zapisali videazvarot da Radasłava Sikorskaha
Śviatłana i Siarhiej Cichanoŭskija apublikavali ŭ sacsietcy X videazvarot da kiraŭnika Ministerstva zamiežnych spraŭ Polščy.
Jon staŭ adkazam na dopis ministra ŭ dzień vyzvaleńnia Siarhieja Cichanoŭskaha ŭ subotu.
«Ty patrebny volnamu śvietu, Siarhiej! — napisaŭ 21 červienia Sikorski. — Maja samaja ščyraja radaść vam i ŭsioj vašaj siamji. Bačačy vas razam znoŭ, ja razumieju, čamu hady zmahańnia za svabodu majuć značeńnie».
Cichanoŭskija raźmiaścili videazvarot, u jakim padziakavalia ministru.
— Ministr Sikorski, darahi Radek! Siońnia ja chaču padziakavać vam ad usiaho serca. Paśla piaci pakutlivych hadoŭ ja, narešcie, zmahła ŭbačyć Siarhieja, a našy dzieci znoŭ zmahli abniać svajho tatu. Hety momant staŭ mahčymy dziakujučy vašaj pastajannaj padtrymcy. Vy adstojvali intaresy Biełarusi, spraviadlivaść, palityčnych źniavolenych.
Čytajcie taksama:
«My nie viedali Siarhieja Cichanoŭskaha da siońniašniaj pres-kanfierencyi»
Cichanoŭski raskazaŭ, jak za dapamohu jamu asudzili inšaha viaźnia, što siadzieŭ nie za palityku