Iran i ZŠA niepublična viali pramyja pieramovy paśla ŭdaraŭ Izraila
Pavodle infarmacyi Reuters, ZŠA i Iran viaduć niepubličnyja pramyja pieramovy paśla izrailskich udaraŭ pa Iranie. Śpiecyjalny pradstaŭnik prezidenta ZŠA Styvien Uitkaf i ministr zamiežnych spraŭ Irana Abas Arakčy niekalki razoŭ razmaŭlali pa telefonie, kab abmierkavać šlachi dypłamatyčnaha vyrašeńnia kanfliktu pamiž Iranam i Izrailem.
Styŭ Uitkaf. Fota: AP Photo/Alex Brandon
Arakčy padčas razmoŭ vykazaŭ hatoŭnaść Irana pajści na sastupki ŭ pytańni jadziernaj prahramy, kali ZŠA prymusiać Izrail spynić vajennyja dziejańni.
Pa źviestkach krynic, mienavita ZŠA inicyjavali pieršy kantakt i prapanavali novuju formułu dla vychadu z tupika. Taksama padčas pieramoŭ zakranuli ideju stvareńnia rehijanalnaha kansorcyuma, jaki zajmaŭsia b uzbahačeńniem uranu pa-za miežami Irana.
Viadoma, što ŭ piatnicu ŭ Ženievie adbuducca pieramovy pa jadziernaj prahramie z udziełam pradstaŭnikoŭ Francyi, Hiermanii, Vialikabrytanii i Jeŭrasajuza.
Čytajcie taksama:
Izrail atakavaŭ iranski ciažkavodny reaktar u Araku. Što heta za abjekt?
Ministr abarony Izraila: Fizičnaja likvidacyja ajatały Chamieniei — heta adna z metaŭ vajny ź Iranam
Tramp uchvaliŭ płan ataki na Iran, ale pakul ustrymlivajecca ad zahadu