U Kitai žančyna vyžyła paśla 22-ch udaraŭ nažom dziakujučy hrudnym impłantam
U horadzie Chančžoŭ, što ŭ kitajskaj pravincyi Čžeczian, na aŭtastajancy kala handlovaha centra na žančynu napaŭ nieviadomy mužčyna. Kali 30-hadovaja Ma siadała ŭ mašynu, napadnik zalez na piaredniaje siadzieńnie i pačaŭ pahražać joj nažom. Jaje kryki pra dapamohu nichto nie pačuŭ, paviedamlaje The South China Morning Post.
Kałaž: scmp.com
Mužčyna prymusiŭ žančynu jechać u susiedni rajon. Adnak kali jon na chvilinu adchiliŭ svaju ŭvahu, dziaŭčyna zmahła źviazacca sa svaim chłopcam, jaki vyjaviŭ jaje miescaznachodžańnie i vyklikaŭ palicyju.
Kali pravaachoŭniki prybyli na miesca, napadnik spačatku staŭ nanosić Ma šmatlikija ŭdary nažom u hrudzi (usiaho ich naličyli 22), a paśla skončyŭ žyćcio samahubstvam.
Žančynu terminova dastavili ŭ balnicu. Jak adznačyli lekary, jaje žyćcio ŭdałosia vyratavać dziakujučy hrudnym impłantam, jakija zaścierahli žyćciova važnyja orhany.
Čytajcie taksama:
Biełaruska pastaviła impłant u ruku dla kantracepcyi. Što heta takoje?
U Kiraŭsku brat zabiŭ siastru, chočučy abaranić jaje ad mužčyn sa svaich halucynacyj