Rabota biełaruskaha kampazitara stała albomam tydnia ŭ Aŭstralii
Aŭstralijskaje radyjo ABC Classic vybrała siuitu dla strunnaha arkiestra i flejty «Biełaśniežka» biełaruskaha kampazitara Alaksandra Litvinoŭskaha albomam tydnia, piša «Biełaruś i mir».
Alaksandr Litvinoŭski. Fota Wikimedia Commons
Heta sučasnaje muzyčnaje pieraasensavańnie viadomaj kazki, jakoje składajecca z 19 častak i hučyć kala 55 chvilin. Muzyka maje «kiniematahrafičnaje» hučańnie i stvaraje jaskravyja vobrazy.
Siuitu vykanali biełaruski strunny arkiestr «Mietamarfoza» pad kiraŭnictvam Paŭła Lubamudrava, a flejtavyja partyi syhraŭ Mikałaj Danski.
Alaksandr Litvinoŭski — biełaruski kampazitar, jaki naradziŭsia ŭ 1962 hodzie, vučyŭsia ŭ Biełaruskaj dziaržaŭnaj akademii muzyki i viadomy svajoj tvorčaściu ŭ sučasnaj kłasičnaj muzycy.
Čytajcie taksama:
Nie nadta pryznany ŭ Biełarusi kampazitar staŭ vyklučna papularnym u śviecie