Tramp nie źbirajecca padpisvać zajavu G7 pa pytańni izrailska-iranskaha kanfliktu

Prezident ZŠA Donald Tramp admovicca padpisvać ahulnuju zajavu samitu «Vialikaj siamiorki» ŭ Kanadzie, u jakoj utrymlivajecca zaklik da źnižeńnia napružanaści pamiž Izrailem i Iranam. Pra heta paviedamiŭ telekanał CNN sa spasyłkaj na svaje krynicy.

Donald Tramp. Fota: Joe Raedle / Getty Images

U prajekcie zajavy, jaki padrychtavali jeŭrapiejskija krainy, havorycca, što Izrail maje prava na samaabaronu, a Iran nie pavinien atrymać jadziernuju zbroju. Ale pryčyny, čamu Tramp nie źbirajecca padpisvać dakumient, dakładna nie paviedamlajucca.

U Biełym domie adkazali, što pad kiraŭnictvam Trampa ZŠA «znoŭ uznačalvajuć namahańni pa adnaŭleńni miru ŭ śviecie» i zapeŭnili, što jon praciahnie pracavać nad tym, kab Iran nie atrymaŭ jadziernuju zbroju.

Kanflikt pamiž Izrailem i Iranam, jak čakajecca, stanie hałoŭnaj temaj dla suśvietnych lidaraŭ na samicie. Tramp užo paśpieŭ zrabić hučnuju zajavu — što vajny va Ukrainie nikoli nie było b, kali b Rasiju nie vyklučyli z «Vialikaj vaśmiorki» ŭ 2014 hodzie.

Kamientary da artykuła