Stali viadomyja vyniki CT pa asobnych pradmietach

Respublikanski instytut kantrolu viedaŭ apublikavaŭ vyniki centralizavanaha teściravańnia, jakoje adbyłosia 2 červienia 2025 hoda.

U hety dzień CT prajšli 30,9 tysiačy abituryjentaŭ. Ekzamieny zdavalisia pa dziesiaci pradmietach, u tym liku pa matematycy, bijałohii, zamiežnych movach, hieahrafii, suśvietnaj historyi najnoŭšaha času i historyi Biełarusi ŭ kantekście suśvietnaj.

Maksimalny vynik u 100 bałaŭ nabrali 724 čałavieki. Bolšaść ź ich pakazała taki vynik na CT pa zamiežnych movach — 509 abituryjentaŭ. Pa matematycy 100 bałaŭ atrymali 181 čałaviek.

Siarednija bały pa asobnych pradmietach skłali:

• hieahrafija — 68,7;
• suśvietnaja historyja — 57,8;
• bijałohija — 56,4;
• zamiežnaja mova — 51,2;
• matematyka — 42,6.

Abituryjenty mohuć pahladzieć svaje vyniki, uklučajučy skan błanka adkazaŭ i pravilnyja adkazy, u asabistym kabiniecie na sajcie RIKV.

Siertyfikaty CT možna budzie atrymać z 1 lipienia — u tych ža punktach, dzie pravodziłasia teściravańnie.

Kamientary da artykuła