«Pradali 1647 kupiur za 3 dni». Ažyjataž vakoł pamiatnaj banknoty Nacbanka nie ścichaje

Kala budynka Nacyjanalnaha banka znoŭ nazirajecca ažyjataž — ludzi masava nabyvajuć jubilejnyja banknoty, vypuščanyja da 80-hodździa pieramohi nad nacysckaj Hiermanijaj, piša «Smartpres».

Skrynšot ź videa Nacbanka

U pres-słužbie Nacbanka paviedamili, što tolki za try dni pradali 1647 kupiur na ahulnuju sumu amal 198 tysiač rubloŭ.

Pamiatnaja banknota naminałam 80 rubloŭ pradajecca pa canie 120 rubloŭ. Pieršuju partyju raskupili vielmi chutka, tamu z 11 červienia zavieźli druhuju.

Kupiura vykananaja ŭ ružovym kolery. Na piarednim baku namalavany manumient «Mužnaść» u Bresckaj krepaści, a na zvarotnym — ruka maci ź dziciem, nacyjanalny arnamient, «Varoty Minska» i jabłynievy ćviet. Usiaho nadrukavana 80 tysiač takich banknot.

Akramia taho, u prodaž pastupili pamiatnyja maniety, taksama pryśviečanyja tamu ž jubileju. Siarod ich:

• srebranaja manieta naminałam 20 rubloŭ (tyraž — 2500 štuk);
• miedna-nikielevaja manieta naminałam 1 rubiel (tyraž — 5000 štuk).

Kalekcyjaniery praciahvajuć stajać u čerhach, kab atrymać hetyja ekskluziŭnyja ekzemplary.

Kamientary da artykuła