Ukraina ŭviała sankcyi suprać Dźmitryja Šaŭcova
Ukraina ŭviała doŭhaterminovyja sankcyi suprać kiraŭnika Biełaruskaha Čyrvonaha Kryža Dźmitryja Šaŭcova. Jaho abvinavačvajuć u datyčnaści da niezakonnaha vyvazu ŭkrainskich dziaciej z terytoryj, akupavanych Rasijaj.
Dźmitryj Šaŭcoŭ
Prezident Ukrainy Uładzimir Zialenski padpisaŭ ukaz, jaki ŭvodzić sankcyi na 50 hadoŭ. Abmiežavańni praduhledžvajuć, siarod inšaha, zamarozku aktyvaŭ, zabaronu ekanamičnaj dziejnaści va Ukrainie, spynieńnie tranzitu, palotaŭ i pieramiaščeńnia tavaraŭ, a taksama admienu licenzij i inšych dazvołaŭ.
Razam z Šaŭcovym u sankcyjny śpis uvajšli jašče 46 čałaviek, jakija padtrymali rasijski bok u vajnie z Ukrainaj.
Dźmitryj Šaŭcoŭ staŭ fihurantam skandału ŭ 2023 hodzie, kali naviedaŭ akupavany Danbas u vopratcy ź simvolikaj Z i pieradaŭ tudy humanitarnuju dapamohu. Jon adkryta pryznaŭsia, što arhanizacyja ŭdzielničaje ŭ vyvazie dziaciej z Ukrainy.
Mižnarodny Čyrvony Kryž adchryściŭsia ad jaho dziejańniaŭ, vykazaŭ zakłapočanaść i paźniej prypyniŭ siabroŭstva biełaruskaj arhanizacyi ŭ svajoj sietcy. U 2024 hodzie Šaŭcoŭ taksama trapiŭ pad sankcyi Jeŭrasajuza.