Cichanoŭskaja abmierkavała z novym lidaram KR situacyju z Anžalikaj Mielnikavaj
Kiraŭnica Abjadnanaha pierachodnaha kabinieta Śviatłana Cichanoŭskaja sustrełasia ź niadaŭna abranym śpikieram Kaardynacyjnaj rady Arciomam Bruchanom, paviedamlaje jaje pres-słužba.
Fota: pres-słužba Śviatłany Cichanoŭskaj
Śviatłana Cichanoŭskaja pavinšavała Arcioma Bruchana z abrańniem na pasadu i vykazała słovy padtrymki Kaardynacyjnaj radzie, adznačyła važnaść hetaha instytuta demakratyčnych sił, jaki pavinien być subjektam tranzitu ŭłady ŭ Biełarusi, havorycca ŭ paviedamleńni.
Padčas sustrečy taksama abmierkavana situacyja z Anžalikaj Mielnikavaj, jaje mahčymyja i realnyja nastupstvy, nieabchodnyja zachady pa ŭmacavańni biaśpieki dziejnaści demakratyčnych sił ahułam, i Kaardynacyjnaj rady ŭ pryvatnaści.
Pavodle słoŭ śpikiera, abmiarkoŭvajucca płany pa słuchańniach prajektaŭ kancepcyj ab lustracyi i instytucie ŭpaŭnavažanaha pa pravach čałavieka. Taksama kamisija pa reformach Kaardynacyjnaj rady płanuje prapanavać delehatam Rady paŭdzielničać u dalejšaj raspracoŭcy zakonaprajektaŭ novaj Biełarusi.
Čytajcie taksama:
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia
Azaraŭ: Kachanak Mielnikavaj braŭ udzieł u pravakacyi z Azaronkam i byŭ uznaharodžany
Łatuška admoviŭsia iści ŭ adstaŭku z-za źniknieńnia Mielnikavaj. Hetaha zapatrabavaŭ Piatruchin