U Biełarusi za 5 tysiač rubloŭ pradajuć 200-rublovuju banknotu. U jaje vielmi niezvyčajny brak
Na aŭkcyjonie źjaviłasia banknota ŭ 200 biełaruskich rubloŭ, za jakuju prosiać 5 tysiač rubloŭ. Heta značyć, u 25 razoŭ bolš za naminał. Pryčyna hetaha ŭ tym, što ŭ kupiury zusim niezvyčajny brak, a mienavita brak razrezu, piša Blizko.by.
U vypadku z hetaj banknotaj mašyna nie da kanca abrezała jaje ražki, paśla čaho kavałačak, jaki tyrčyć, prosta zahnuŭsia, i banknota adpraviłasia zakazčyku — Nacbanku Biełarusi.
16 maja banknota źjaviłasia na aŭkcyjonie sa startavym koštam 500 rubloŭ. Možna, nie čakajučy tarhoŭ, vykupić kupiuru pa ćviordaj canie ŭ 5 000 rubloŭ. Heta značyć, što pradaviec raźličvaje, što padčas tarhoŭ staŭki nabliziacca da 5 tysiač.
Stupień zachavanaści banknoty apisanaja jak Extremely Fine — mahčyma, jana takoj novieńkaj dastałasia pradaŭcu z bankamata.
Čytajcie taksama:
Biełaruskuju banknotu ŭ honar 80-hodździa Pieramohi ŭžo za vialikija hrošy pierapradajuć na eBay
Pobač z Nacbankam vystraiłasia vialikaja čarha. Chtości navat stajaŭ usiu noč
U Minsku prezientavali banknotu Br80 i pamiatnyja maniety da 80-hodździa Pieramohi
Na aŭkcyjonie pradajuć biełaruskuju banknotu, u jakoj u numary tolki nuli
Na rasijskich hrašach prapanujuć raźmiaścić vyjavy biełaruskich haradoŭ