Banki abaviazali dzialicca z padatkovaj źviestkami pra pakupki na zamiežnych markietpłejsach
Banki i niekatoryja inšyja arhanizacyi ciapier pavinny pieradavać padatkavikam danyja pra vydatki biełarusaŭ u zamiežnych internet-kramach. Adpaviednaja pastanova Ministerstva pa padatkach i zborach Biełarusi zapracavała 1 maja.
Zdymak ilustracyjny. Fota: freepik.com
Ciapier banki abaviazanyja pieradavać padatkovym orhanam infarmacyju pra hrašovyja pieravody za miažu za tavary i pasłuhi, apłačanyja ŭ internecie, vykarystoŭvajučy śpiecyjalna raspracavanuju formu. Hetaje ž patrabavańnie raspaŭsiudžvajecca na pracesinhavyja centry, apierataraŭ i ŭładalnikaŭ płaciežnych sistem, jakija pavinny paviedamlać źviestki, zasnavanyja na vykarystańni bankaŭskich kartak.
U formie spravazdačnaści nieabchodna paznačać, miž inšym, kolkaść praviedzienych płaciažoŭ, ich ahulnuju sumu i valutu.
Akramia taho, u pastanovie Ministerstva pa padatkach i zborach utrymlivajucca instrukcyi dla apierataraŭ suviazi: apieratary elektrasuviazi i internet-pravajdary pavinny padavać źviestki pra akazańnie elektronnych pasłuh, a taksama pra dystancyjny prodaž tavaraŭ zamiežnymi kampanijami, indyvidualnymi pradprymalnikami abo inšymi zamiežnymi padatkapłacielščykami.
Čytajcie taksama:
Wildberries pašyraje kurjerskuju dastaŭku za miežy Minska
Krupniejšije markietplejsy budut prodavať biełorusskije chołodilniki
Prakuratura rastłumačyła, čamu ŭ Biełarusi zabaranili łahatyp modnaha brytanskaha brenda