Finski blin u duchoŭcy — śniadanak dla tych, chto nie choča stajać la plity cełuju viečnaść

Prosta źmiašajcie inhredyjenty ŭ blendary, vylicie ŭ haračuju, zmazanuju masłam formu, zapiakajcie 20 chvilin — i śniadanak hatovy.

Fota: quirkycooking.com.au

Finski blin u duchoŭcy — heta pyšny, teksturaj padobny da sufle blin chutka hatujecca, a na smak prosta nadzvyčajny. Blin miakki, jak zavarny krem, i vydatna spałučajecca ź ciopłym jahadnym sousam i viarškami.

Kab jaho pryhatavać, spatrebicca:

• 3 st. ł. masła 
• 500 mł małaka 
• 4 vialikija jajki
• 80 h miodu (prykładna 1/4 šklanki)
• 1/2 č. ł. drobnaj marskoj soli
• 1/4 č. ł. vanilnaha parašku
• 1 šklanka błanšavanaj mindalnaj muki
• 1 st. ł. mołataha nasieńnia čya

Jak hatavać:

1. Razahrejcie duchoŭku da 200°C.
2. Pakładzicie masła ŭ vialikuju pramavuholnuju formu dla zapiakańnia (pamieram prykładna 38×26 sm) i pastaŭcie ŭ duchoŭku, kab jano rastała.
3. Źmiašajcie ŭsie astatnija inhredyjenty ŭ blendary abo termamiksie na vysokaj chutkaści na praciahu 30 siekund. 
4. Dastańcie formu z duchoŭki i raŭnamierna raźmiarkujcie rastoplenaje masła pa dnie. Vylicie ciesta ŭ haračuju formu.
5. Pastaŭcie formu nazad u duchoŭku i vypiakajcie 20 chvilin abo da taho času, pakul ustaŭleny ŭ centr nož nia vyjdzie čystym.
6. Padavajcie ź lubimaj śviežaj abo zapiečanaj sadavinoj, jahadami, prahretymi na plicie z drobkaj karycy i miodam, a taksama ź viarškami.

Kamientary da artykuła