Litoŭskija mytniki nie dali ŭvieźci ź Biełarusi carkoŭny zvon

Unačy z 15 na 16 sakavika, praź niekalki chvilin paśla poŭnačy, da mytnaha pasta ŭ Salečnikach na aŭtamabili Mercedes Sprinter prybyŭ hramadzianin Małdovy, jaki vusna zajaviŭ mytnikam, što nie pieravozić ničoha zabaronienaha abo abaviazkovaha dla dekłaravańnia. Adnak pry ahladzie transpartnaha srodku mytniki vyjavili niečakanuju znachodku — schavany pad miachami carkoŭny zvon.

Nijakich dakumientaŭ na zvon kiroŭca nie mieŭ i zajaviŭ, što navat nie viedaŭ pra ich nieabchodnaść. Jon pryznaŭsia, što pieravoziŭ zvany z rasijskaha horada Padolsk praź Biełaruś i Litvu pa prośbie «patryjarchaŭ Kiryła i Mikałaja».

Ciapier śpiecyjalisty litoŭskaha Departamienta achovy kulturnaj spadčyny aceńvajuć, ci nie źjaŭlajecca hety zvon vahoj 260 kh abjektam kulturnaj spadčyny. Taksama jość padazreńni, što jon moh być vykradzieny z terytoryi Ukrainy.

Zhodna z nadpisami na zvonie, jon, mahčyma, byŭ adlity ŭ honar śviatoha XVII stahodździa — mitrapalita Kijeŭskaha i ŭsioj Rusi Piatra Mahiły.