U Biełarusi prachodzili padrychtoŭku livijskija śpiecnazaŭcy FOTY
Navinu pra toje, što livijskija vajskoŭcy prachodzili ŭ Biełarusi kursy pavyšeńnia kvalifikacyi, raźmiaściła na svajoj staroncy ŭ fejsbuku Livijskaja nacyjanalnaja armija, zaŭvažyła «Radyjo Svaboda».
Pres-słužba livijskaj armii vykłała fotazdymki padrychtoŭki vajskoŭcaŭ 36-ha bataljona śpiecnaza Livijskaj nacyjanalnaj armii, zroblenyja, vierahodna, u Biełarusi ŭ kancy lutaha 2025 hoda. Na kadrach — navučalny centr MUS «Vałaŭščyna».
Bataljon padparadkoŭvajecca synu lidara armii Sadamu Chaftaru. U paviedamleńni adznačajecca, što stažyroŭka livijskich śpiecnazaŭcaŭ u Biełarusi adbyvałasia pa zahadzie kiraŭnika ŁNA Chalify Abu al-Kasima Chaftara.
Sioleta Alaksandr Łukašenka prymaŭ viarchoŭnaha hałoŭnakamandujučaha Livijskaj nacyjanalnaj armii (ŁNA) Chalifu Abu al-Kasima Chaftara. Letaś Łukašenka sustrakaŭsia ź jahonym synam Sadamam Chaftaram, a paśla hetaha źjaviłasia infarmacyja pra pastaŭki ŭ Liviju biełaruskaj zbroi.
Siońnia taksama źjaviłasia infarmacyja pra vizit u Liviju pradstaŭničaj delehacyi biełaruskich čynoŭnikaŭ, siarod jakich vice-premjer Uładzimir Karankievič, staršynia KDB Ivan Cierciel, ministr adukacyi Andrej Ivaniec i inšyja.
Čytajcie taksama:
U Liviju palacieła ź nieanansavanym vizitam pradstaŭničaja delehacyja biełaruskich čynoŭnikaŭ
Łukašenka — livijskamu fieldmaršału: Vy pryjechali da svaich siabroŭ, da siabie dadomu
Livijskaha fieldmaršała Chaftara ŭ Minsk pryvieźli na samalocie Łukašenki
U Biełaruś prylacieŭ hałoŭnakamandujučy Livijskaj nacyjanalnaj armii z synam i hienierałami