Telegram uvodzić mahčymaść płatnych paviedamleńniaŭ

U sakavickim abnaŭleńni Telegram źjavilisia novyja funkcyi, jakija dazvalajuć publičnym asobam i aŭtaram kantentu kantralavać uvachodnyja paviedamleńni i manietyzavać svaju papularnaść. Pra heta paviedamiła pres-słužba Telegram.

Ciapier karystalniki mohuć zrabić pierapisku ź nieznajomcami płatnaj, atrymlivajučy za heta zorki Telegram. Heta nie tolki abaraniaje ad spamu, ale i dazvalaje manietyzavać svaju ŭvahu.

Dadatkova ŭ novych čatach ciapier adlustroŭvajecca infarmacyja pra surazmoŭcu, uklučajučy jaho krainu, datu rehistracyi i ahulnyja hrupy. Heta dapamoža chutčej raspaznavać ašukancaŭ i paźbiahać niepažadanych kantaktaŭ.

Taksama zorki Telegram ciapier možna vykarystoŭvać dla apłaty padpiski Telegram Premium i vyvodzić praz płatformu Fragment. Uładalniki supołak atrymali mahčymaść kiravać bałansam zorak, a biznes — dadatkovyja źnižki na adpraŭku pravieračnych kodaŭ praz Telegram Gateway.

Akramia taho, karystalniki Android ciapier mohuć tranślavać videa na Chromecast, a ŭ profilach źjaviłasia funkcyja zamacavańnia padarunkaŭ.

Kamientary da artykuła