U Minsku źnik viadomy prarasijski błohier i hość łukašenkaŭskaj prapahandy
Apošniaje videa ŭ tyktoku prapahandyst Uładzimir Pańčak-Šaramieta vykłaŭ u listapadzie 2024 hoda.
Uładzimir Pańčak-Šaramieta. Fota: BiełTA
43-hadovy prapahandyst Uładzimir Pańčak-Šaramieta rodam ź Lvoŭskaj vobłaści, adnak nie žyvie va Ukrainie.
Jon byŭ hościem u efirach biełaruskaha dziaržaŭnaha ahienctva BiełTA, dzie tranślavaŭ antyzachodnija i antyŭkrainskija naratyvy. Pańčaka-Šaramietu pradstaŭlali jak błohiera, jaki «20 hadoŭ žyvie ŭ Łondanie».
U tych ža intervju Pańčak-Šaramieta raskazvaŭ, što jon hramadzianin Polščy i što siadzieŭ u polskaj turmie padčas kavida.
«Kali viartaŭsia z Ukrainy ŭ Polšču, pryncypova nie nadziavaŭ voś hetuju anuču (miedycynskuju masku — NN). Polski pamiežnik mianie skampramietavaŭ, zaviazałasia pierapałka, ja jaho ŭziaŭ za kašulu i troški patros. Jany mianie adpuścili, žyŭ sabie spakojna. A paśla akazvajecca, što jany praviali sud bieź mianie. U vyniku dali 4 miesiacy turmy».
Niadaŭna błohier źnik.
U telehram-kanale Uładzimira Pańčaka-Šaramiety ludzi paviedamlajuć, što jaho aryštavali ŭ Biełarusi.
Pa adnoj ź viersij, havorka idzie pra 130 artykuł Kryminalnaha kodeksa (raspalvańnie varožaści), a jon znachodzicca ŭ SIZA KDB.
Pavodle inšych mierkavańniaŭ, jamu zakidajuć niezakonnaje vykarystańnie dronaŭ.
Čytajcie taksama:
U Vilni za apahańvańnie miemaryjała achviaram represij u Biełarusi sudziać prarasijskaha błohiera
U Słavakii školnik admoviŭsia pacisnuć ruku prezidentu praź jaho pazicyju pa vajnie va Ukrainie