Кіраўнік фракцыі ХДС/ХСС у Бундэстагу пайшоў у адстаўку, бо завёў дзіця праз сурагатнае мацярынства

Нямецкі палітык Енс Шпан заявіў пра сваю адстаўку з пасады старшыні фракцыі Хрысціянска-дэмакратычнага саюза (ХДС/ХСС) у Бундэстагу. У лісце да членаў фракцыі ён паведаміў, што прыйшоў да высновы: яго асабістае жыццё і палітычная пасада больш не могуць спалучацца. Паводле яго слоў, найважнейшым для яго застаецца сям'я, якую ён стварыў разам са сваім партнёрам, паведамляе Der Spiegel.

Енс Шпан. Фота: Lisi Niesner/Pool Photo via AP

Прычынай адстаўкі стала грамадская дыскусія вакол сурагатнага мацярынства. Шпан, які раней выступаў супраць такіх практык, разам з мужам стаў бацькам дзякуючы сурагатнаму мацярынству. Гэта выклікала крытыку з боку часткі прадстаўнікоў ХДС/ХСС, паколькі ў Германіі сурагатнае мацярынства забаронена, а партыя раней пацвярджала сваю пазіцыю супраць яго.

Енс Шпан (справа) са сваім мужам Даніэлем Функе. Фота: AP Photo/Christoph Soeder, File

Палітык адзначыў, што маштаб крытыкі і грамадскай рэакцыі быў для яго нечаканым. Паводле Шпана, супярэчнасць паміж яго асабістым рашэннем і чаканнямі ад яго як кіраўніка фракцыі стала большай, чым ён меркаваў.

Раней з заклікамі пакінуць пасаду да яго звярнуліся асобныя прадстаўнікі ХДС, у тым ліку кіраўнікі некаторых рэгіянальных структур партыі. Паведамлялася, што федэральны канцлер Германіі Фрыдрых Мерц таксама заклікаў Шпана пайсці ў адстаўку.

Шпан падзякаваў членам фракцыі за сумесную працу і заявіў, што прыярытэтам для яго цяпер будзе сям'я.

Каментары да артыкула