Kiraŭnik frakcyi CHDS/CHSS u Bundestahu pajšoŭ u adstaŭku, bo zavioŭ dzicia praz surahatnaje maciarynstva

Niamiecki palityk Jens Špan zajaviŭ pra svaju adstaŭku z pasady staršyni frakcyi Chryścijanska-demakratyčnaha sajuza (CHDS/CHSS) u Bundestahu. U liście da členaŭ frakcyi jon paviedamiŭ, što pryjšoŭ da vysnovy: jaho asabistaje žyćcio i palityčnaja pasada bolš nie mohuć spałučacca. Pavodle jaho słoŭ, najvažniejšym dla jaho zastajecca siamja, jakuju jon stvaryŭ razam sa svaim partnioram, paviedamlaje Der Spiegel.

Jens Špan. Fota: Lisi Niesner/Pool Photo via AP

Pryčynaj adstaŭki stała hramadskaja dyskusija vakoł surahatnaha maciarynstva. Špan, jaki raniej vystupaŭ suprać takich praktyk, razam z mužam staŭ baćkam dziakujučy surahatnamu maciarynstvu. Heta vyklikała krytyku z boku častki pradstaŭnikoŭ CHDS/CHSS, pakolki ŭ Hiermanii surahatnaje maciarynstva zabaroniena, a partyja raniej paćviardžała svaju pazicyju suprać jaho.

Jens Špan (sprava) sa svaim mužam Danielem Funkie. Fota: AP Photo/Christoph Soeder, File

Palityk adznačyŭ, što maštab krytyki i hramadskaj reakcyi byŭ dla jaho niečakanym. Pavodle Špana, supiarečnaść pamiž jaho asabistym rašeńniem i čakańniami ad jaho jak kiraŭnika frakcyi stała bolšaj, čym jon mierkavaŭ.

Raniej z zaklikami pakinuć pasadu da jaho źviarnulisia asobnyja pradstaŭniki CHDS, u tym liku kiraŭniki niekatorych rehijanalnych struktur partyi. Paviedamlałasia, što fiederalny kancler Hiermanii Frydrych Mierc taksama zaklikaŭ Špana pajści ŭ adstaŭku.

Špan padziakavaŭ členam frakcyi za sumiesnuju pracu i zajaviŭ, što pryjarytetam dla jaho ciapier budzie siamja.

Kamientary da artykuła