Закінутую сядзібу Багдановічаў пераробяць у буціковы гатэль ФОТЫ
Беларуская архітэктурная студыя ZROBIM architects паказала свой новы амбіцыйны праект — рэканструкцыю старой сядзібы Багдановічаў на Вілейцы ў вёсцы Старынкі. Перарабіць яе плануюць у шыкоўны камерны буціковы гатэль.
Сядзіба датуецца пачаткам XX стагоддзя і знаходзіцца на мяжы вёскі. Некалі зямля тут належала графу Аляксандру Ленскаму, пазней — сям'і Тукала, а потым, як лічыцца, яе выйграў у карты Багдановіч.
Так сядзіба выглядала ў мінулым годзе. Фота: @1809_avtotravel_belarus
Вандроўнікі па Беларусі заўсёды адзначалі: хоць дом і стаяў закінуты, захаваўся ў досыць добрым стане. Пабудаваны ён з натуральнага каменю і цэглы.
На праекце ад студыі ZROBIM architects бачна, што дызайнеры пастараліся максімальна захаваць ранейшы дух сядзібы і задзейнічаць у інтэр’еры старыя элементы — напрыклад, цагляны мур і кафлю.
Тут будзе выкарыстоўваецца шмат дрэва, з’явіцца вінтажная мэбля і цёплае асвятленне.
На здымках — будучы хол першага паверха.
Раней яшчэ адну гістарычную сядзібу Багдановічаў «Двор Стайкі» перарабілі ў комплекс для вяселляў і мерапрыемстваў.
Чытайце таксама:
Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае
Якія гістарычныя аб’екты ў Мінску адрэстаўруюць у наступныя гады