Zakinutuju siadzibu Bahdanovičaŭ pierarobiać u bucikovy hatel FOTY
Biełaruskaja architekturnaja studyja ZROBIM architects pakazała svoj novy ambicyjny prajekt — rekanstrukcyju staroj siadziby Bahdanovičaŭ na Vilejcy ŭ vioscy Starynki. Pierarabić jaje płanujuć u šykoŭny kamierny bucikovy hatel.
Siadziba datujecca pačatkam XX stahodździa i znachodzicca na miažy vioski. Niekali ziamla tut naležała hrafu Alaksandru Lenskamu, paźniej — siamji Tukała, a potym, jak ličycca, jaje vyjhraŭ u karty Bahdanovič.
Tak siadziba vyhladała ŭ minułym hodzie. Fota: @1809_avtotravel_belarus
Vandroŭniki pa Biełarusi zaŭsiody adznačali: choć dom i stajaŭ zakinuty, zachavaŭsia ŭ dosyć dobrym stanie. Pabudavany jon z naturalnaha kamieniu i cehły.
Na prajekcie ad studyi ZROBIM architects bačna, što dyzajniery pastaralisia maksimalna zachavać raniejšy duch siadziby i zadziejničać u interjery staryja elemienty — naprykład, cahlany mur i kaflu.
Tut budzie vykarystoŭvajecca šmat dreva, źjavicca vintažnaja mebla i ciopłaje aśviatleńnie.
Na zdymkach — budučy choł pieršaha paviercha.
Raniej jašče adnu histaryčnuju siadzibu Bahdanovičaŭ «Dvor Stajki» pierarabili ŭ kompleks dla viasiellaŭ i mierapryjemstvaŭ.
Čytajcie taksama:
Jakija histaryčnyja abjekty ŭ Minsku adrestaŭrujuć u nastupnyja hady