Эйсмант: Беларускіх палітвязняў абмянялі на параненых расіян і палонных прарасійскіх беларусаў. Украінцы кажуць, што яна хлусіць

Прэс-сакратарка Лукашэнкі Наталля Эйсмант ў каментарыі расійскаму агенцтву ТАСС паведаміла пра новыя нюансы сённяшняга вызвалення беларускіх палітвязняў.

Наталля Эйсмант. Фота: Maxim Shemetov Pool Photo via AP

Па словах Эйсмант, памілаваныя Лукашэнкам палітвязні былі адпраўленыя ва Украіну ў абмен на параненых расіян і ўзятых украінцамі ў палон беларусаў, якія ваявалі за Расію.

«Амерыканскі бок забраў з сабой сёння дзевяць замежных грамадзян. І больш за 100 чалавек былі адпраўленыя ва Украіну — у абмен на беларусаў, якія трапілі там у палон — за іх прэзідэнта вельмі прасілі іх сваякі — і на параненых расіян», — сказала Эйсмант.

Неўзабаве пасля з'яўлення гэтага каментара ўкраінскі праект «Хачу жыць» рашуча абвергнуў словы Эйсмант.

«Гэта не адпавядае рэальнасці», — заявілі «Еўрарадыё» у праекце, які займаецца абменам палонных.

Каментары да артыкула