Польскае МЗС устрымалася ад каментавання выказванняў Лукашэнкі
31 кастрычніка падчас наведвання Лепельскага раёна Аляксандр Лукашэнка сярод іншага заявіў, што адкрыццё польска-беларускай мяжы павінна было суправаджацца абменам Андрэя Пачобута і кагосьці з палякаў на беларускіх шпіёнаў, затрыманых у Польшчы Але цяпер, маўляў, дамоўленасці адмяняюцца, бо Польшча адклала адкрыццё мяжы ў знак салідарнасці з Літвой. Польскае МЗС адмовілася гэта каментаваць.
Андрэй Пачобут
«Мы хочам, каб Андрэй Пачобут як мага хутчэй пакінуў турму. Мы не будзем каментаваць паведамленні ні КДБ, ні Лукашэнкі», — заявіў у размове з выданнем Interia прадстаўнік МЗС Польшчы Мацей Вевюр.
Раней Польшча выказвала намер з лістапада адкрыць на мяжы з Беларуссю два пункты пропуску, але ў сувязі з арганізаванай з Беларусі атакай на Літву пры дапамозе кантрабандысцкіх метэазондаў адклала гэтыя дзеянні як мінімум на два тыдні.
Чытайце таксама:
Лукашэнка: Польшча сарвала абмен Пачобута
Польшча прыбрала частку перашкод на памежным пераходзе «Кузніца»
«У палякаў усё гатова». Што кажуць пра магчымае адкрыццё «Брузгоў» і «Бераставіцы»?
«Ён сапраўды як мала хто заслужыў яе» — Мілінкевіч пра прэмію для Пачобута
МЗС: Не прэм'еру Польшчы ці Літвы вырашаць, калі адкрыць мяжу