Замежныя авіякампаніі сталі часцей лётаць праз Беларусь транзітам
Замежныя авіякампаніі пачалі часцей выкарыстоўваць паветраную прастору Беларусі для транзітных палётаў. Пра гэта паведаміў дырэктар Дэпартамента па авіяцыі Міністэрства транспарту Ігар Голуб падчас прэс-канферэнцыі ў Нацыянальным прэс-цэнтры.
Фота ілюстрацыйнае
Паводле слоў Ігара Голуба, колькасць самалётаў, якія пралятаюць праз тэрыторыю Беларусі, значна ўзрасла — цяпер інтэнсіўнасць палётаў павялічылася амаль на 27%.
Асабліва прыкметны рост паказалі егіпецкія авіякампаніі — іх транзіт павялічыўся ў 52 разы, кітайскія — у 1,7 раза, а казахстанскія — у 1,6 раза. Часцей сталі лётаць і кампаніі з ААЭ і Расіі.
На гэтым фоне прадпрыемства «Белаэранавігацыя» павялічыла аб’ём сваіх паслуг на 18%. Імі карысталіся 141 авіякампанія з 37 краін.
Чытайце таксама:
«Белавія» зноў пачне лётаць у Алматы
Лаўроў назваў адмену санкцый супраць «Белавія» «круцельскай гісторыяй»